Expresouse a preocupación do conxunto da Plataforma por saber en que e como  se van investir eses cartos, xa que a limpeza da Ría non é competencia do Estado, tal e como se indicou nunha xuntanza de traballo celebrada o pasado día 31 de outubro entre a mesa directora da plataforma para a defensa de a ria de O Burgo (representates veciñais Ramón Sixto e Angel Castro, sectretario comarcal da CIG Paulo Carril, patrón maior da Confraría Manuel Cao e a presidenta das mariscadoras de a pé Carmen Chans) e os portavoces do BNG no Congreso, o Parlamento Galego e a Deputación (Francisco Jorquera, Carlos Aymerich e Silvia Seixas).

Ademais acordouse continuar o traballo a fin de aumentar os membros da Plataforma; e solicitar unha entrevista co Conselleiro de Medio Ambiente e cos catro Alcaldes da Ria (A Coruña, Oleiros, Cambre e Culleredo), ademais o día 27 de novembro ás 11`30 horas cando se rexistren  oficialmente as solicitudes farase unha concentración simbólica diante do Edifico Administrativo de Monelos.

Ademáis disto, e tamén no aspecto reivindicativo a Plataforma decidiu iniciar unha campaña de concienciación cidadá mostrando, mediante fotografias, a realidade da ría a todos os cidadáns; e xa entrado o ano 2009 acordouse realizar novas mobilizacións de co obxectivo de que todos e cada un dos partidos políticos leven no seu programa a limpeza da ría de O Burgo nas vindeiras eleccións autonómicas

chúzame

Na convocatoria participaron máis de 30 colectivos diversos entre partidos políticos, sindicatos, asociacións veciñais e ecoloxistas, segundo datos da organización xuntáronse perto de 2500 persoas, e a duración estimada foi dunha hora dende o inicio ata o final.

Na mensaxe que se lanzou ás autoridades esixiuse a eliminación total dos verquidos á ría do Burgo, pedíndose ademáis a retirado dos lodos e a rexeneración da ría para o cultivo de vibalvos, para o seu uso para a realización de deportes acuaticos e tamén para o disfrute do lecer.

A Plataforma xuntarase de novo para o mes de outubro ou novembro para analizar se nos orzamentos, tanto da Xunta de Galicia como do Goberno do Estado, hai unha partida destinada a estes fins, e se a situación segue do mesmo xeito continuarase con mobilizacións e outras medidas de presión ata acadar ao fino arranxo desta situación vergoñenta na que se atopa a nosa ría.

chúzame

Madrid, 11 Setembro 08. O Goberno vén de recoñecer nunha resposta por escrito ao portavoz do BNG no Congreso, Francisco Jorquera, que tanto a EDAR de Bens como o seu emisario submariño sofren un retraso de máis dun ano xa que tiñan que estar listas a finais do presente ano 2008.

Retraso de máis dun ano sobre a última data prevista

O Goberno alega, na súa resposta ao deputado do BNG, que “a dificultade de atopar vertedoiros próximos e conseguir as autorizacións, ademáis dos terreos necesarios, supuxo un retraso próximo a un ano, polo que as obras se prolongarán até finais de 2009”.

O mesmo sucede co emisario submariño posto que o Executivo supedita a súa posta en marcha á posta en funcionamento da EDAR que dí “debería realizarse conxuntamente coa EDAR”.

Ao deputado do BNG chámanlle a atención os argumentos empregados polo Goberno para explicar a demora na execución desta importante infraestructura medioambiental posto que denota “certa falta de previsión”. O Executivo alega que na execución destas obras inflúen “peculiaridades do terreo, o réxime meteorolóxico e temporais, e os diversos elementos e mecanismos fabricados “ad hoc” por suministradores estranxeiros”. Jorquera considera que “o normal é ter en conta todos estes aspeitos á hora de planificar unha actuación destas características e realizar o proxecto construtivo” e tilda de “pouco serio que se veña anos máis tarde con estas excusas”.

Executou o Goberno o 1 millón de euros para Ría de O Burgo?

Froito da negociación que o BNG mantivo co Goberno para os Orzamentos a destinar a Galiza neste ano 2008, incluíse unha partida global de 8 millóns de euros para a limpeza, rexeneración e saneamento da Ría de O Burgo e dos ríos Ulla, Limia e Miño. Ademáis dunha partida específica para a Ría de O Burgo que ascendía a 1 milón de euros. Neste sentido, Jorquera pregunta polo grao de execución destas partidas, sobre todo a relativa á rexeneración da Ría de O Burgo.

O Goberno bota balóns fóra na execución desta partida

No que atinxe a este tema, “o Goberno limítase a botar balóns fóra e facer como se a cousa non fora con el cando sobre a mesa temos partidas estatais aprobadas pola Administración central”, afirma o deputado nacionalista.

O Executivo emprega o argumento de que se trata de Galiza costa, “concas xestionadas por Augas de Galiza polo que o Ministerio non é competente para afrontar estas actuacións mentras non sexan declaradas de interese xeral do Estado”. Sen esquecer, puntualiza Jorquera, que “é o mesmo Goberno quen ten a potestade de declarar de interese xeral as obras”.

Respeito a este problema, o Goberno bota mán das obras realizadas no 2007 para a ordenación hidráulica do río Mero que rematan na desembocadura da Ría de O Burgo, sinalando que no “primeiro semestre de 2008 se contrataron obras complementares para a recuperación ambiental nese tramo”, unhas actuacións no río Mero que se farán nesta ano e primeiro trimestre de 2009 e que teñen un orzamento de 490.270 euros.

O deputado do BNG tamén amosa a súa estraneza pola inicial alocución do Goberno sobre as competencias sobre augas residuais. “Nós fixemos unha pergunta circunscrita a dous temas básicos: EDAR de Bens e execución das partidas orzamentarias aprobadas para a rexeneración da Ría de O Burgo. A apreciación sobre as competencias locais en augas residuais é algo que o Goberno se podía aforrar porque estamos a falar de actuacións consignadas nos Orzamentos Xerais do Estado, e por tanto, que comprometen ao Goberno e se é necesario coordenar a máis Administracións o Goberno ten a obriga de tomar a iniciativa para dar cumprimento ás súas obrigas orzamentarias”.

Descarga a resposta do Goberno en PDF

chúzame

O Grupo Municipal de EU-IU  de Cambre, denunciou mediante un escrito presentado no rexistro do concello e na garda Civil (SEPRONA), sobre os olores nauseabundos na Ria do Burgo, concentrados nas inmediacións da Ponte Vella na parroquia do Temple.

Veciñ@s da zona e persoas que con frecuencia acuden o lugar, manifestaban as suas protestas ante os olores insoportables,  procedentes posiblemente de algún colector ou tubería, causando un profundo malestar na cidadanía, a parte das graves consecuencias ambientais sobre o marisqueo, a pesca e o turismo.

Iste feito, según manifestacións dos propios veciñ@s ven producindose nos últimos dias de unha maneira alternativa, concentrandose de un xeito especial e intensivo na zona mencionada. O voceiro de EU-IU no concello solicitou do goberno municipal, “se poñan en marcha os mecanismos oportunos que permitan investigar a procedencia” dos olores e posibles verquidos,  para tomar as medidas legais necesarias contra dos responsables para correxir o problema e proceder a elaborar un expediente en caso de que fose sancionable. Esta circunstancia agudiza o mal estado da Ria que resulta xa de por sí cando menos  preocupante.

Para EU-IU “urxe” tomar medidas ante este tipo de situacións perxudicias para o medio ambiente e á saúde,  o problema agravase coa subida das temperaturas en ésta época do ano, facendo que a situación se convirta insoportable en moitos casos, dando unha  imaxe negativa do noso concello e ós conseguintes perxuizos polo motivo exposto.

chúzame

O anuncio de Bruxelas responde a unha demanda do eurodiputado de Esquerda Unida-IU, Willy Meyer, quen, a petición da organización comarcal coruñesa de EU-IU, reclamou en maio pasado ás autoridades europeas que se situasen ante «o lamentable estado» da ría da Coruña e O Burgo a causa as verteduras de augas residuais sen depurar dos concellos da Coruña, Cambre, Culleredo e Oleiros.

chúzame

Cidadáns de A Coruña e da comarca secundaron a manifestación que o pasado 21 de xuño percorreu varias rúas céntricas da cidade en demanda da rexeneración da Ría do Burgo. A “Plataforma para a Defensa da Ría do Burgo”, entidade organizadora da marcha, convoca unha nova manifestación para o 20 de setembro.

Paulo Carril, secretario comarcal da CIG, reclamou, ao termo da manifestación, un compromiso firme por parte dos gobernos autonómico e español para a recuperación da Ría, que se materialice a través dos próximos orzamentos con partidas económicas específicas a este respecto. Carril parabenizou as corporacións municipais da comarca, agás a de Oleiros, que aprobaron mocións de apoio ás demandas da Plataforma.

Carmen Chans, presidenta da Agrupación de Mariscadoras de a pé de A Coruña, e Manuel Cao, patrón maior da Confraría, foron os encargados de ler o manifesto da Plataforma para a Defensa da Ría do Burgo

chúzame

Esta moción o Pleno do Concello da Coruña manifesta o seu compromiso de continuar, en cooperación coa Xunta de Galicia e da Administración do Estado, as accións para conseguir a completa rexeneración e recuperación da ría do Burgo para o marisqueo e solidarízase coas demandas sociais encamiñadas a recuperar a ría.

Descarga en PDF a mocion adoptada polo Concello da Coruña

Na exposición de motivos, os tres grupos (BNG, PSOE e PP) recoñecen que a ría do Burgo ten sufrido nas últimas décadas as consecuencias ambientais dunha área metropolitana con unha alta densidade de población sumado a un entorno industrial e empresarial, sin tratamento e depuración das súas augas residuais, se ben recoñece que “nos últimos anos tense feito un esforzo técnico e orzamentario no control das augas, na canalización e principalmente no referido ao saneamento”.

O Concello da Coruña recoñece que o saneamento da ría é unha prioridade municipal, tanto no que se refire á supresión das verteduras contaminantes como ao impulso á construción da EDAR de Bens .

chúzame

moción aprobada polo Concello de Arteixo.pdf

Por outra banda, o 29 de maio o Pleno do Concello de Oleiros non debateu unha moción de apoio ás reivindicacións da Plataforma para a Defensa da Ría do Burgo presentada polo BNG.

A Moción non foi incluída polo alcalde, Ángel García Seoane, na orde do día do pleno (malia ter sido presentada en tempo e forma coa suficiente antelación ao pleno e no rexistro do Concello de Oleiros), xa que segundo este “non é unha moción” e “porque a ría do Burgo está limpa e non ten ningún problema”. A moción foi, por tanto, sometida a un debate sobre a urxencia da mesma, pero non sobre o fondo.

O PP adiantou previamente ao voto da urxencia que apoiaría o BNG neste asunto e que apoiaría a moción porque -segundo manifestou no pleno o portavoz do PP, Pablo Cobián- “o PP apoiará o BNG na defensa da Ría do Burgo e apoiará a manifestación do día 21 de Xuño”. Mais a moción non conseguiu aprobar a urxencia por causa do voto EN CONTRA do goberno da Alternativa dos Veciños e da ABSTENCIÓN do PSOE.

chúzame

Descarga a mocion aprobada polo Concello de Culleredo en pdf

chúzame